موظف الذكاء الاصطناعي يشتغل داخل أنظمتك
العميل يكتب على الواتساب أو يتصل: «أبي أحجز بكرة العصر» أو «وين طلبي؟». موظف الذكاء الاصطناعي يتصل بنظامك عبر API، يحجز فعلاً أو يجيب حالة الطلب الحقيقية، ويرد على العميل خلال ثواني — وأنت تحدد وش ينفذ لحاله ووش يحتاج موافقتك.
- حجوزات وطلبات حقيقية
- وضع موافقة لكل إجراء
- طلبات موقّعة
من رد ذكي إلى شغل منجز
الإجراء (Action) هو مهمة تعرّفها مرة وحدة: اسمها، متى يستخدمها موظف الذكاء الاصطناعي، وش البيانات اللي يجمعها من العميل، ورابط نظامك اللي يرسل له الطلب.
يحجز في نظامك
موعد عيادة، طاولة مطعم، صيانة سيارة، أو معاينة عقار: يجمع البيانات من العميل ويسجل الحجز في نظام الحجز عندك مباشرة.
يستعلم عن الطلبات
يسأل نظامك عن حالة الطلب أو الشحنة أو الفاتورة ويرد على العميل بالمعلومة الحقيقية بدل «بنرجع لك».
ينشئ سجلات
طلب صيانة، تذكرة، عميل محتمل، أو طلب عرض سعر: ينشئه في نظامك بكل التفاصيل اللي جمعها.
يرسل تفاصيل المكالمة
بعد مكالمة موظف الذكاء الاصطناعي الصوتي، يرسل لنظامك خلاصة المكالمة وطلب العميل عشان فريقك يكمل.
وضع موافقة لكل إجراء
لكل إجراء تختار: ينفذ تلقائياً، يحتاج موافقة موظف قبل التنفيذ، أو موقوف.
طلبات موقّعة وآمنة
بعد ما تنشئ مفتاح التوقيع من الإعدادات، كل طلب يوصل نظامك موقّع بمفتاح سري، فنظامك يتأكد إنه جاي من حسابك في كلمنا وما تعدل في الطريق.
عرّف الإجراء مرة وحدة — والموظف الذكي يعرف متى يستخدمه
تكتب وصف بسيط للإجراء (مثل «حجز موعد صيانة»)، تحدد الحقول المطلوبة (الاسم، رقم اللوحة، اليوم المناسب)، ورابط نظامك. أثناء المحادثة يجمع موظف الذكاء الاصطناعي البيانات من العميل بأسلوب طبيعي، يرسلها لنظامك، ويقرأ الرد ويبلغ العميل بالنتيجة.
- يسأل العميل عن البيانات الناقصة بدل ما يرسل طلب ناقص
- ينفذ أو ينتظر موافقة الموظف حسب إعداد الإجراء
- كل تنفيذ مسجل في المحادثة عشان المشرف يراجعه
الموظف الصوتي يحجز وهو على الخط
نفس الإجراءات تشتغل مع موظف الذكاء الاصطناعي الصوتي اللي يتكلم مثلنا باللهجة السعودية: العميل يتصل، يطلب موعد أو يسأل عن طلبه، والموظف الصوتي يرجع لنظامك ويرد عليه في نفس المكالمة. وبعد كل مكالمة تقدر توصلك تفاصيلها كاملة على نظامك عبر Webhook، ونظامك يقدر يقرر وين تتحول المكالمة الجاية لحظة وصولها.
- Webhook بعد كل مكالمة بتفاصيلها الكاملة
- توجيه حي للمكالمات من نظامك (وجهة ديناميكية)
- تحويل لموظف بشري متى ما احتاج العميل
وش يقدر ينجز لك؟
أي نظام عنده API يقدر يصير جزء من المحادثة: نظام المواعيد، نظام الطلبات، الـ ERP، أو نظام داخلي بناه فريقك. وإذا متجرك على سلة أو زد، الربط الجاهز موجود بدون برمجة.
- عيادات: حجز وتعديل وإلغاء موعد في نظام العيادة
- مطاعم وصالات: حجز طاولة أو مناسبة
- خدمات سيارات وصيانة: موعد ورقم طلب
- عقار: موعد معاينة وتسجيل اهتمام العميل
- متاجر وتوصيل: حالة الطلب والشحنة
أسئلة يسألونها كثير
هل أحتاج مبرمج عشان أربط نظامي؟
وش يعني وضع الموافقة؟
كيف يتأكد نظامي إن الطلب جاي من كلمنا؟
هل يشتغل في المكالمات أو الواتساب فقط؟
وش اللي يمنع الموظف الذكي من تنفيذ شي ما أبيه؟
وين تروح بيانات العملاء؟
خلّ عملاءك يلقونك بأسرع وقت
نجهّز لك تجربة على منصة كلمنا بأرقامك وفريقك، ونوريك كيف تنظّم مكالماتك ومحادثاتك من أول يوم.